لمجوّز والأعزب
مجوّز بدّو الحرية
. واعزب بدّو الاستقرار
ولهان عشقان صبية
وعم يرمي حالو بالنّار
خايف يعلق ضحيّة
تطير العيشة الهنيّة
لمعتُر صفُى النّيُة
ضايع بالدني ومحتار…..
لمجوّز شارد ندمان
هالدّني بوجّو بتسود
بيركض وبيشقى تعبان
حتّى بيشقى يوم ال حد
عايش محروم وطفران
بعزّ الصّيفية بردان
ولادو عايشين الحرمان
ما شافوا الخير ولا نهار..
الاعزب محتار بحالو
شو بيعمل مشغول بالو
خايف يتجوّز ويصير
ال هم بيلعب بديالو
هلّق متل فراشة يطير
نايم ع ورد وحرير
حياتو تصفّي تعتير
لو زواجو كان خيار
الكلّ بهالدّني مهموم
اعزب ومزوّج مظلوم
تاري اللي خلق علق
والسّعادة ما بتدوم
خلّينا عاضّين عالجرح
وما نزيد فوق الجرح ملح
نحن وانتوا طلعنا صلح
والسّعادة مش قرار