تركوا زياد يعيش عند ربو
مات وعاش عم يضحك عليكم
ع مهلو وفل……
لمين تارك لبنانك وقفشاتك وأهلو؟
شعب جوعان يا خيي عطشان قرفان زعلان بكيان تعبان كلو بكي
وبعدو…..
وكإنو كان عم يبكي ع حالو وكتب شعر وفرغ قهر وطافت الشاشات بثيابو
بلاد كل عمرها فاضية من كل نقطة أمل
خالصة من أصلها
من ربها اللي خالقها من شعوبها وشعابها اللي كلها كانت عليك عم تبكي بس كإنو كلهم كانوا عم يبكو ع حالهم صدقني
فلتانة قطعان فلتانة في ارض بور وكثر ما ضحكت معك ع حالها
ما بقي فيها حبة أمل ولا عشبة خضرا للرعي
هالقد كنت معبي ضياعهم وزيادي
يا مسلي الضجر
شو هالزياد وزيادة
حاسدينك كلهم عم يبكوا ولاح يموتوا قهر لو تشوف شو صار من بعدك.
جنوا يا ويلي
ما في غير إمك صلا
شي ما بينحكى ولا بينكتب
إيدي ع قلبي
صدقني فش شي
كان أسمو وطن
بحياتو ما كان في بلد
في كذبة وفي نكتة وفي دبلة تمسكوا فيها
تيبقو للأبد
والناس مريضة راكضة
بالدني تبحث عن بلد
تعوا نزلوا معي شوي لتحت وتعو تيعا تيعا ..
الحقوني…. مسحوا دموعكم يا شعبي
بكفي بكي ع خينا زياد
انزعج منكم
حاج تبكوا وتتمنطقوا فوق التوابيت وتناموا وتنفشوا بشعوركم وشعركم
تعو معي شوية
سوا قدام مطار لبنان ولك أكلنا الضجر وكلنا ناطرين ولادنا واحفادنا من شعاب الدني
شوفوا شو في تحت
إصبعي… شوفوا
شوفوا شو ناطرين؟
ناطرين باراك وبرك الدم اللي جايي ونحنا ناطرين ولادنا واحفادنا حافيين قدام المطار …….
بركي ب فلوا وبيرجعوا دغري
مش عارفين شو في بكرا؟
ليكو شو اليوم انكتب وقريت…..
تدحرجوا بلبناكم
وتعو قروا معي:
“يتوقع محمد بن راشد آل مكتوم أن يبلغ عدد المسافرين عبر مطار دبي الدولي 96 مليون مسافر بحلول نهاية العام الجاري، مما سيمكّننا من بلوغ حاجز الـ 100 مليون مسافر».
وتاريخ حكامنا باقي للسرقة والكذب
ولت الحكي هالعشب عالشعب والبكي والحكي الفاضي والتعب……………
